‘Bagets: The Musical’ mosikad karong 2026

CEBU, Philippines — Nag-alyansa ang Newport World Resorts,  The Philippine STAR ug Viva Communications Inc. sa pagpresentar sa  “Bagets: The Musical” nga usa ka  stage adaptation sa  iconic 1984 Filipino film.

Gikatakdang mosikad kini sa entablado karong 2026.

Sa usa ka panagtigom sa niaging adlaw, nitambong  sila si The Philippine STAR Media Group President and CEO Miguel G. Belmonte ,Viva chairman and CEO Vicente del Rosario Jr. , Newport World Resorts executive chairman Kevin Tan,Viva president and COO Vincent del Rosario III,  PhilSTAR Media Group executive vice president Lucien Dy Tioco  ug uban pa.

Ang mga bitoon sa  Bagets kaniadto kay naglangkob nila ni Aga Muhlach, William Martinez, J.C. Bonnin, Herbert Bautista, ug  Raymond Lauchengco .  

Morissette gidayeg ni Rachel

Gidayeg ni Rachel Alejandro ang co-star niya sa pelikulang Song of the Fireflies   nga si Morissette gumikan sa ka maayo moarte niini.  Nalakip pud sa maong pelikula sila si  Krystal Brimner, Noel Comia Jr., Chai Fonacier, Via Antonio, Cai Cortez, Tommy Alejandrino, ug Alex Medina.“Ang galing-galing ni Mori dito,” matud pa ni Rachel.

Valeen nagsabak

Giangkon sa aktres nga si Valeen Montenegro nga nagsabak siya. Gianunsyo niya kini pinaagi sa pag-post og video sa  Instagram. Mapasigarbohon usab nga gipakita ni Valeen ang iyang baby bump.“Been keeping a little secret,” suma pa sa aktres.

Idol Kids Philippines

Bida gyud  ang hugyaw nga mga tingog  sa  Kiddie Hopefuls sa  talent reality show nga  “Idol Kids Philippines”  nga magsugod karong  Hunyo 28 . Ang mga hurado niini kay naglangkob nila ni  Asia’s Songbird Regine Velasquez-Alcasid, Power Diva Angeline Quinto, Juan Karlos, ug  Mr. Pure Energy Gary Valenciano. Sila si  Robi Domingo ug  Jolina Magdangal  ang hosts niini.

"Lolong: Pangil ng Maynila” mag-finale ugma

Gipaabot ang makapakugang nga mga eksena sa  Kapuso series nga “Lolong: Pangil ng Maynila” alang sa finale niini ugma sa gabii Hunyo 13 (Biyernes).

Ang karakter sa bida niini nga si Ruru Madrid kay mosugal gyud sa iyang kinabuhi aron lang mapanalipdan ang mga tawo nga iyang gihigugma ug usa na niini si Elsie (Shaira Diaz) nga naa sa makalilisang nga sitwasyon ubos sa kamot ni Ivan (Martin del Rosario).

“Etong Lolong ‘yung nagpabago talaga sa buhay ko – hindi lang sa pagiging artista, kundi sa pagiging tao. Sa kabila ng lahat ng binabato sa’yo ng mundo, na bigla kang magkaka-injury, biglang magkaka-pandemic, biglang magkakaroon ng kung ano mang aksidente – ‘yun ‘yung mga nagsisilbing lakas sa akin sa akin para lalong pagbutihin ang mga ginagawa ko, “ suma pa ni Ruru.

“Unchained Love”

Ipasalida na ang Chinese historical-romance series nga “Unchained Love” nga gibidahan nila ni Dylan Wang ug Chen Yuqi, sugod karong Lunes (Hunyo 16) sa alas 10:15 sa gabii sa Kapamilya Channel, A2Z, TV5, ug iWantTFC.

Sikat si Dylan Wang gumikan sa iyang mga lead role sa Chinese adaptation sa “Meteor Garden” ug “Ever Night: War of Brilliant Splendours”.

Samtang nikisaw usab kaniadto ang pangalan ni Chen Yuqi sa web series nga “Heavenly Sword and Dragon Slaying Sabre.”

Makita karong gabii sa iWant Ikatulong hugna sa docuseries sa BINI

Makita na gyud ang “BINI Chapter 3: Hanggang Dulo” , ang docuseries kun diin makita ang mga pagsulay nga giatubang ug mga kalampusan nga nakab-ot sa  nation’s girl group nga BINI.

Mosikad kini sugod karong alas 8 sa gabii (Hunyo 12) sa iWant .

Gipaluyohan sa iWant Originals ug ABS-CBN News Documentaries ang kataposang hugna sa docuseries nga nagpakita sa paningkamot nila ni Aiah, Colet, Maloi, Gwen, Stacey, Mikha, Jhoanna, ug Sheena nga maila sa tibuok kalibutan.

Ubos kini sa direksyon ni  Jet Leyco ug sinulat ni ABS-CBN chief of reporters Jeff Canoy.