Ang tambag ni San Juan Dela Cruz

Ayaw pangita sa pinakasayon kondili sa pinakalisud

Kining maong tambag ang nakapasagmuyo sa katawhan ingon man sa mga kaparian ug mga relihoyoso, kay alang kanila kining maong tambag usa man ka malisod nga sukaranan sa pagsunod kang Kristo Jesus. Apan lagi kuna tong paladman ang hagit sa ebanghelyo demanding kaayo.

Ang dalan padulong sa kahingpitan higpit kaayo. Bisan gani ang atong Ginoo nagkanayon man:

“Kun buot kamo nga mosunod kanako, pas-ana ang inyong krus sa tanang adlaw sa inyong kinabuhi….”

Laing anib na pud sa akong kinabuhi diha sa pangalagad sa Parokya.

Sa tinuod lang, gibati ko ang tumang kaguol. Kahingawa ingon man kabalaka.

Kaguol tungod kay sa mosugot ako ug sa dili nahimong mahinungdanong kabahin sa akong kinabuhi ang dapit, ang katawhan sa nagkadaiyang mga kapilya ug barangay.

Laing panahon sa pag-adjust. Kahingawa tungod sa reyalidad nga nagpaabot. Unsa kaha ang dangatan didto?

Apan sa akong pagpamalandong ning maong tambag ni San Juan dela Cruz nahigmata ako sa buhing kamatuoran nga diha sa pagsunod sa Ginoo dili kita mangita sa sayon.

Dili kini mahitungod sa kalisud kondili mahintungod kini sa hustyo nga disposisyon.

Hinuon ang Ginoo dili mohatag sa krus nga dili nato masugakod. Here I am Lord Send Me.