3 arestado sa higit P800K shabu
MANILA, Philippines — Tatlong katao ang naaresto sa magkahiwalay na buy-bust operation sa lalawigan ng Cavite at Batangas na kung saan ay nasamsam ang nasa mahigit sa P800,000 halaga ng shabu, kamakalawa.
Sa lalawigan ng Cavite, alas-7:30 ng gabi nang maaresto ang suspek na si alyas “Tong” sa isang buy-bust sa Brgy. Datu Esmael, Dasmariñas City at narekober ang 5 selyadong transparent plastic na naglalaman ng mahigit sa 18 gramo na aabot sa halagang P122,400.00.
Samantala sa lalawigan naman ng Batangas, alas-4:10 ng hapon nang ilatag ng Lipa City Police at PDEA ang isang buy-bust sa Mandanas Road, Purok 1, Brgy. Plaridel Lipa City at naaresto ang dalawang suspek na kinilala sa mga alyas na “Rey” at “Rico”, kapwa nasa High Value Individual at nakuhanan ng dalawang plastic na naglalaman ng shabu na may timbang na mahigit sa 100 gramo at may halagang P680,000.00.
Nakumpiska rin sa kanila ang 1 Cal 45 pistol na kargado ng bala
- Latest
