Duha ka langgam sa usa ka bato

Ngano nga aktibo man kaayo ang grupo nila ni Senador Risa Hontiveros ug mga kaalyado niini sa impeachment ni Bise Presidente Sara Duterte? Tungod ba g’yud kini sa pagpalutaw sa kamatuoran sa mga pasangil batok sa bise presidente o aduna silay laing tuyo o agenda?

Dili ikalimod nga anaa na sa hunahuna ug giporma na sa Partido Liberal ang ilang plano sa 2028 nga bugnong lugaynon. Usa na niini ang impeachment ni Duterte.

Ang impeachment sa bise presidente usa ka dakong oportunidad sa Liberals. Kun ma-impeachment si VP Sara, dili na siya makapapili pagka presidente sa 2028 nga bugnong lugaynon.

Kun ugaling dili ma-impeach si VP Sara, dako kining kadaut sa mga kaalyado ug administrasyon ni Presidente Bongbong Marcos Jr. Busa ang makapahimulos sa impeachment mao ang mga Liberals. Sama ra kini sa panultihon nga two birds hit by one stone.

Nasusama sa sulat nga nabalik sa nagpadala ang Article of Impeachment batok ni VP Sara human nahukman sa 17 ka mga Senador ang pagbalik niini ngadto sa ubos balay balauranan tungod sa daghang pangutana sa legalidad niini.

Una, ang kalapasan sa one-year ban rule diin ang Batakang Balaud nag-ingon nga dili puwede nga pasakaan og impeachment sulod sa duha ka higayon sa usa ka tuig. Si VP Sara gipasakaan og upat ka reklamong impeachment sulod sa usa ka tuig.

Sa pag-verify sa impeachment complaint gitagsa-tagsa ba sa administering officer ang mga kongresista sa pagpanumpa sa pagkatinuod sa ilang gipirmahan ug ila ba kining gibasa? Lahi man gud ang girason sa mga kongresista ngadto sa ilang katawhan sa ilang pagpirma sa impeachment, lahi sa ilang gipirmahann nga impeachment complaint.

Pero naglibog ko kay samtang gihukman sa mga senador nga ibalik ang Article of impeachment sa Ubos Balay Balauranan, mipagawas pod sila og Writ of Summons ngadto sa bise presidente ug ilang gimandoan sa pagtubag sa reklamong impeachment sulod lamang sa napulo ka adlaw. Ano ba talaga kuya?