Pagpamalandong sa Matag Domingo

Maayong balita

Ang Espiritu Santo mao man ang principle of life sa atong pagkasimbahan.

Ang kasaulogan sa niaging Domingo nagmatuod nga padayon kining nagsaulog hangtud karon. Ug karong Dominggoha gimantala ang dakong bili sa kahiusahan sa Santisima Trinidad. Karong Dominggoha usab gisaulog ang BEC Sunday, sanglit ang Gagmay’ng Kristohanong Katilingban nagasukad man sa ulusahong kalambigitan sa usa ka Dios diha sa Tulo ka mga persona.

Kasinatian

Daw malisud kaayo tugkaron ang doktrina sa Santisima Trinidad, apan kining maong kalambigitan nagasukad man sa paghigugma. Butang nga nakapahiusa ning tulo ka mga persona. Kita isip simbahan hagit natong tanan nga kun mahimo mosalamin kita sa Santisima Trinidad. Dili lang diha sa hunahuna kondili diha mismo sa mga konkretong mga istraktura.

Lihok

Managlahi man ang karisma ug misyon, unta atong tinguhaon karong semanaha nga ang tanang paningkamot aron mas mapalambo ang kahiusahan taliwala sa kalahian. Nga sa ginagmay nga mga pamaagi mamahimong BECized ang atong katilingban.

Pangamuyo

Tanan: (Awiton) Salamat gyud sa Dios Amahan, Salamat gyud sa Dios nga Anak, Salamat gyud sa Espiritu! Salamat gyud sa gugma mo!