Globe, humuhubog ng kabataang changemaker

Mula sa mga student leader at tech innovator hanggang sa mga artist at community advocates, isang bagong henerasyon ng kabataang Pilipino ang muling humuhubog sa kahulugan ng pagi­ging tunay na changemaker, kasama ang Globe sa bawat hakbang ng kanilang paglalakbay. Sa pamamagitan ng Globe Community Builders Program, patuloy na nagbubukas ang brand ng mga oportunidad para sa mga estudyante sa buong bansa upang matuklasan ang kanilang layunin, maipakita ang kanilang pagkamalikhain, at maisakatuparan ang matatapang na ideya tungo sa tunay na pagbabago.

At para sa apat na kabataang tagatuklas na ito, tunay na nagbigay ng malaking pagbabago ang suportang iyon.

Gaya na lamang ni Christiane Guanzon ng De La Salle University-Dasmariñas na unang nakilala ang Globe sa isang “Kapihan” session sa kanilang campus.

Inakala niyang isa lamang itong karaniwang telco noong panahong iyon. Ngayon, isa na siyang intern—at mahalagang bahagi ng mga inisyatiba ng Globe para sa kabataan.

Nang ipinta naman ni Miguel Isiah Diva, isang estudyante mula sa Technological University of the Philippines, ang Tails and Trails bilang parangal sa kanyang yumaong alagang aso na si Bochok, hindi niya inakalang mababago nito ang takbo ng kanyang malikhaing landas.

Ngunit sa kanyang pagkapanalo sa Globe x Art Toys Online Contest, bumukas ang mga bagong oportunidad na nagbigay sa kanya ng plataporma at layunin.

Nang lumipat naman si Franchezka Zapanta mula Mindanao patungong Maynila para sa kolehiyo, pakiramdam niya ay isa siyang outsider. Karamihan sa kanyang mga unang taon sa unibersidad ay ginugol online, at ang mabilis na takbo ng buhay sa lungsod ay lubhang nakapanibago para sa kanya.

Ngunit nang magsimula siyang dumalo sa mga youth event ng Globe, unti-unti itong nagbago.

 Habang ang isang estudyante ng dentistry sa Our Lady of Fatima University na si Jessie James Valera ay nakahanap ng hindi inaasahang plataporma para sa creative freedom sa tulong ng Globe.