Labing unang Copa Cebu kasado na
CEBU, Philippines — Andam na ang labing unang Copa Cebu 2025 football festival nga gitakda karong Hunyo 13-15 diha sa Dynamic Herb-Borromeo Sports Complex sa South Road Properties (SRP).
Gipasiugdahan ni Gene Noel Gallarde sa RAD Chameleon Apparels uban ni Renz Miko Murillo isip tournament commissioner, ang buena manong edisyon sa Copa gipaluyohan sa Cebu Regional Football Association (CRFA).
Si Architect Josephril "Jhojo" Partosa sa CRFA midayeg sa mga nag-organisa ning kalihukan tungod sa ilang tinguha nga i-promote ug palamboon ang duwang soccer hangtud sa grassroots level dinhi sa Sugbo. Timaan niini, ang tulo ka adlaw nga torneyo adunay daghang mga age groups, gikan sa mixed Under 5 ngadto sa U11 ug boys U12 ngadto sa U19.
Aduna say mga kategoriya alang sa Soccer Moms ug 38 anyos pataas nga mga players ingon man ang men's ug women's open. Alang sa dugang impormasyon, karong mga interesado mahimong mobisita sa Copa Cebu Facebook page.
- Latest
