Manny Pacquiao gibayaw sa Boxing Hall of Fame

CEBU, Philippines — Si Manny Pacquiao misemento sa iyang puwesto uban sa labing bangiitan nga mga boksidor sa kasaysayan human ang Pinoy sports hero gibayaw sa International Boxing Hall of Fame sa usa ka pormal nga seremonyas niadtong Hunyo 8 (Lunes, Hunyo 9 oras dinhi sa Pilipinas) didto sa Turning Stone Casino sa Verona, New York.

Ang bugtong eight-division world champion misud sa Hall of Fame isip kabahin sa Class of 2025 nga naglangkob sab nilang Michael “Second To” Nunn, Vinny Paz, Mary Jo Saunders, Yessica Chavez ug Anne Sophie Mathis.

“I came from nothing into something,” matud pa ni Pacquiao sigun sa taho ni Nate Marrero sa prestihiyosong Ring Magazine. “That was the beginning of my life and career, but I didn’t give up. I worked hard, I sacrificed and believed in God and prayed to God and did a lot of things to become what I have done.”

Si Pacquiao maoy ikaupat nga Pinoy nga nakulit ang pangan sa Hall of Fame sunod nilang Gabriel “Flash” Elorde, Pancho Villa ug promoter/matchmaker Lope “Papa” Sarreal.

Atol sa mabulokon niyang karera nga nagsugod niadtong 1995, si Pacquiao nakadaog og 12 ka 12 world titles wa alo ka managlahing weight classes.

Apil sa iyang mga biktima ang mga Hall of Famers nga sila si Oscar De La Hoya, Miguel Cotto, Ricky Hatton ug Shane Mosley ingon man ang mga ngilngig nga Meksikanong sila si Juan Manuel Marquez, Marco Antonio Barrera ug Erik Morales.

Karon, si Pacquiao (62-8-2, 39KOs) nangandam sa giatngan niyang pagbalik sa ring batok ni World Boxing Council (WBC) welterweight champion Mario "El Azteca" Barrios (29-2-1, 18KOs) karong Hulyo 19 didto sa Las Vegas.

Naabot kining oportunidad upat ka tuig sukad sa iyang desisyon nga moretiro human siya gipilde ni Yordenis Ugas sa ilang WBA Super welterweight championship bout niadtong Agosto 2021.Sa edad nga 46 anyos, gibati ni Pacquiao nga duna pa siyay ikabuga aron mamahimong world champion og usab.

"I'm returning because I miss my boxing," dason pa ni Pacquiao. "I always thought, even when I hung up my gloves, 'I can still fight, I can still feel my body, I can still work hard."

"I've rested my body for four years. And now I come back."